Cossa voleu che diga

Cossa voleu che diga, caro fio,
de niovo de sti frati buzzaroni?
Se non ve zollerè ben i bragoni,
spesso ghe n'avrè qualcun da drio.

Cossa voleu che diga, poffardio?
Che per la potta e 'l cul sti porconi
impegnaria la tonaca e i cogioni,
e i manderia la religion a Lio?

Ve dirò che i va sempre volentiera
in compagnia de qualche buzzaron,
e che i è de tutti i lumi la lumiera;

e, se volè chiappar frati a boccon,
basta che vù, che sè una bella ciera,
tegnisse el cul fora dal balcon.