Cosa feu, care putte, sto bordelo

Cosa feu, care putte, sto bordelo
Fra de vu altre in camera solette?
Ve menevi la mona, poverette,
O vardevi chi ga più rizzo el pelo?

El culo ve palpevi chi ha più belo,
O vardevi chi più dure ha le tette?
Provevi le culatte a tegnir strette
Come se fa co se tiol su l'oselo?

Oh! se podesse star in t'un canton
A veder quelle buzare che fè,
Credelo, che goderìa assae de bon.

Ma co avesse sentìo, subito in piè
Saltarìa su, e dirìa: per compassion,
Che anca mi sbora sul monin lassè.