Contro il Duodo Amministratore delle mani-morte
From Wikisource
| Per la sospensione di un Duodo ministro e la sostituzione di un Varuti nell'amministrazione alle mani-morte de Angelo Maria Labia XVIII secolo |
| Informassion su la proveniensa del testo |
Mi za me la figuro, e me la ideo
Da dove sia evgnù st'umor fantastico
De desfar co sta furia el Duodo Ebreo,
E tuti quei ministri del Catastico.
Uno che peritava a menadeo
Ogni fondo, ogni ben de l'Eclesiastico,
Che in te le carte el ghe trovava el neo
Perchè più presto se vegnisse al mastico.
Dai diese Savj vien tuo sto fogo:
Per far magnar da un altro i desfa el Duodo,
E del ben de la Chiesa se fa zogo.
Povera roba che va tua in brodo!
No volè che l'Ebreo gabia piu logo,
E sperè che Varuti bata sodo?
Figurève se lodo,
Se acordo che sia ben, se ve ringrazio!
Un afamà sostituirme a un sazio!
