Conclusion
From Wikisource
| Conclusion de Jacopo Vincenzo Foscarini XIX secolo |
| Informassion su la proveniensa del testo |
Vedeu sto omeneto
Grassoto, tarmà,
Canuo, franco, schieto?
L'è un vechio soldà.
Vedeu qua sto tomo,
Che fa el cortesan?
Lu xe un zentilomo,
L'è un bon venezian.
Vedeu sta persona
De tanto morbin,
Che vive a la bona,
Maturlo un tantin?
Vedeu sto celenza
Poeta ogni dì?
Con vostra licenza,
Paroni, son mi.
