Come succede nell'istà sull'ora

Come succede nell'istà sull'ora
che se suscita in ciel qualche tempesta,
che vien impetuosa, e po s'arresta,
che se ferma un momento, e torna ancora,

Cecilia de veder fé conto allora,
perché ve l'assicuro xe anca questa
impetuosa tanto, e tanto presta,
tanto piena d'umor, quando la sbora.

Infiammada nel viso, e tutta ardente,
come fa i cani colla lengua fora
l'ansia, la smania, la ve par languente.

A zemer la sentì, par che la mora,
ma no ve sbigottì, che no xe gnente,
perché la fa cussì, quando la sbora.