Co vegnarà l'inverno, anema bela
From Wikisource
| Co vegnarà l'inverno, anema bela de Attilio Sarfatti XIX secolo |
| Informassion su la proveniensa del testo |
Co vegnarà l'inverno, anema bela,
Sentai[1] staremo al fogo tuti do;
E mi te contarò qualche storiela,
Qualche fiaba d'amor te contarò.
Ma no. S'anca viene neve e supia el vento,
El fredo, Nina mia, mi no lo sento.
Sento sempre l'avril co te go arente,
La primavera tepida e fiorente.
Note a cura de l'autor
- ↑ Seduti.
