Co mi penso a quel povero Marcello
From Wikisource
| Co mi penso a quel povero Marcello de Giorgio Baffo 1757 |
| Poesia scrita par el so amigo Piero Marcello, che nel 1757 el xera stà condanà dai Inquisitori a sié ani de carcere par "irreligione e vita scandalosa". | Informassion su la proveniensa del testo |
Co mi penso a quel povero Marcello,
Che xe là, come un can, in t'un casotto,
Dalla paura mi me cago sotto
A figurarme, se mi fusse in ello.
No se vede a vegnir che un baresello,
Che appena dì ve porta 'l magnar cotto,
E infin al zorno dopo in quel gabbiotto
No se vede tornar altro che quello.
Là no ghe xe mai lume, nè mai fogo
Per quanto longa, e larga sia la notte,
E i sorzi ve fa intorno un brutto zogo
No se sente che strepiti, e che botte;
Ma ‘l più fiero e terribil de quel liogo,
El xe quello che là mai no se fotte.
