Chi no pianze sto gramo Gatesin
From Wikisource
| Chi no pianze sto gramo Gatesin de Giuseppe Candido Agudio 1741 |
| tratto da la racolta de vari autori intitolà Lagrime in morte d'un Gatto | Informassion su la proveniensa del testo |
Chi no pianze sto gramo Gatesin
Ch'el giera sì spassoso e amoroseto,
Del nostro Balestrier zogia e dileto,
Bisogna ch'el sia un can, ladro, sassìn.
Seben morto anca mo su quel tolin
El par ch'el diga: Caro Menegheto
Làssete dar un baso, o bocoleto,
E far una carezza col zampin.
Varda, Morte crudel, cossa ti ha fato!
No ghe giera altri da schizzarghe el naso
Se no sto galantomo de sto Gato?
Ma stassela qua tuta; gh'è de pì.
El so Paron, pensando al fatal caso,
Xe deventà pì mato assae de mi.
