Cara Nina, vien qua che te varda

Cara Nina, vien qua che te varda...
No t'ò visto mai più tanto bela,
TI xe bianca, ti e grassa, ti è sguarda;
TI xe in soma una riosa, una stela.

Mo che drezze piu bionde de l'oro!
Mo che cegie, mo che archi d'amor!
Mo che ochieto, co' vivo, co' moro!
Che bei lavri che brusa ogni cuor!

Che dentini del late più bianchi!
Che brazzoti, che man, che penin!
Mo che colo, che brio, che fianchi!
Che grazieta, che brio, che sestin!

A le curte, el to esterno xe belo...
Ma el to cuor, cara Nina, xe un can;
Ti ga un cuor che ga tanto de pelo,
Ti ga un cuor indiscreto, inuman.

Ti ga un cuor che no sente pietà
De chi tanto te stima e t'adora,
De chi tanto te xe inamorà,
Che no manca che 'l spira, ch'el mora.

Ma la morte per mi saria un miel
Se lassasse sto mondo per ti,
Perchè forse in alora, crudel!
Ti traressi un sospiro per mi.