Cantime la canzon dei tre colori
From Wikisource
| Cantime la canzon dei tre colori de Attilio Sarfatti XIX secolo |
| Informassion su la proveniensa del testo |
Cantime la canzon dei tre colori,
Che sui to lavri la sarà più bela.
Sui to inoçenti lavri de putela
Tuto el profumo l'avarà dei fiori.
Coi to lavri d'amor, bela Catina,
Cantime la canzon garibaldina.
Canta, tesoro, e i morti al to bel canto,
Se svegiarà dasseno in camposanto.
