Cantar de los Cantares
Jump to navigation
Jump to search
- Cantar de los cantares que es a Xelomó.
- Besássesme de besos de su boca, que mijoris tus querencias más que vino.
- A güesmo de tus azeites buenos, azeite fue vaciado tu fama, por tanto mancevas te amaron.
- Sontráeme detrás de ti. Coreremos.Trúxome el rey a sus cámaras. Agozar mos hemos con ti; Enmenteremos tus querencias más que vino, derechedades te amaron.
- Negra yo y donosa, güenyas de Yerusaláin, como tiendas de Kedar, como telas de xelomó.
- Non escarnexcades en mí, que yo denegrida, que me desfetijó el sol. Hijos de mi madre enrecieron en mí; pusiéronme gudradera alas vinyas, la vinya que a mí, non guadri.
- Denuncia a mi el que amó mí alma. ¿Cómo pacerás, como yaceras en las siestas? ¿Porque sere como enbuelta sovre rebanyos de tus conpanyeros?
- ¿Si no sabes a ti la hermosa en las mujeres? Sal a ti en carcanyales de la oveja y ve a tus cabritos sovre moradas de los pastores.
- A mi cavallaría en cuatregas de Paró te assemejí, mi companyera.
- Se hermosearon tus quexadas con las axorcas, tu cerviç con las xarpas.
- Axorcas de oro haremos a ti, con pinturias de la plata.
- Hasta que el rey en su rescovda, mi almiçcle dio su güesmo.
- Atadero del almiçcle, mi querido a mí entre mis pechos yacerá.
- Racimo del alcanfor mi querido a mí, entre las vinyas de Enguedi.
- Ec tú hermosa, mi companyera. Ec tú hermosa, tus ojos como de palombino.
- Ec tú hermoso mi querido, también savroso, también nuestro lecho revedrido.
- Vergas de muestra casa, alarzes. Muestros corredores broxes.