Biblia (Interlingua) - Genesis, Capitulo 2

From Wikisource
Jump to: navigation, search

2


1 Le celo e le terra esseva complite, e lor panoplia.

2 Le septime die Deo compliva le obra que Ille habeva facite, e Ille cessava1 le septime die de tote le obras que Ille habeva facite.

3 Deo benediceva le septime die e lo declarava sancte, proque a illo Deo cessava de tote Su obra de creation que Ille habeva facite.

4 Tal es le historia del celo e del terra quando illos esseva create.

5 Quando le Senior Deo faceva le terra e le celo quando nulle arbusto esseva ancora super le terra e nulle herbas del campo habeva germinate ancora, proque le Senior Deo non habeva mandate le pluvia super le terra, e il non habeva alicun homine pro cultivar le solo,

6 ma un fluxo (2) se elevava del terra e rigeva tote le facie del solo le Senior Deo formava le homine (3)del pulvere del terra (4).

7 Ille sufflava in su nares le halito del vita, e le homine deveniva un esser vivente.

8 Le Senior Deo plantava un jardin in Eden, verso le est, e poneva ibi le homine que Ille habeva formate.

9 E del terra le Senior Deo faceva crescer omne arbore que esseva agradabile al vista e bon pro alimento, e le arbore de vita in le medio del jardin, e le arbore del cognoscentia del bon e del mal.

10 Un riviera sorti de Eden pro rigar le jardin, e alora illo sedivide e deveni quatro brancas.

11 Le nomine del prime es Pishon,

12 que es illo que ambi tote le terra de Havilah, ubi se trova leauro.

13 Le auro de ille terra es bon; on trova ibi le bdellium, e le onyche. Le nomine del secunde riviera es Gihon, que es illo que ambi tote le terra de Cush.

14 Le nomine del tertie riviera es Tigris, que es illo que flue al est de Asshur. E le quarte riviera es le Euphrates.

15 Le Senior Deo prendeva le homine e le poneva in le jardin de Eden, pro cultivar lo e pro attender lo.

16 E le Senior Deo comman dava le homine, a saper,

17 'De omne arbores del jardin tu pote mangiar; ma del arbore de cognoscentia del bon e del mal, tu non mangiara; nam si tosto que tu mangia de ille tu morira'.

18 Le Senior Deo diceva, 'Il non es bon que le homine sia sol; io le facera un adjuta convenibile a ille. Le Senior Deo formava del terra omne bestias salvage e omne aves del celo, e Ille les apportava al homine pro vider que ille les appellarea;

19 e quecunque le homine appellava cata creatura vivente, isto esserea su nomine.

20 E le homine dava nomines a tote le bestial e al aves del celo e a omne bestias salvage; ma pro Adam il non se trovava un adjuta convenibile a ille. Alora le Senior Deo faceva cader un somno profunde super le homine;

21 e, durante que ille dormiva, Ille prendeva un de su costas e claudeva le carne a su loco.

22 Le Senior Deo formava un femina del costa que Ille habeva prendite del homine; e Ille la apportava al homine. Alora le homine diceva,

23 'Ista al fin es osso de mi ossos e carne de mi carne. Ista se appellara Femina, nam del homine illa es prendi te.

24 Pro esso, un homine lassa su patre e su matre e se adhere a su sposa, quo illes deveni un carne.

25 Le homine e su sposa esseva tote duo nude, totevia illes non habeva vergonia.


1. alt. 'reposava'. 2. alt. 'bruma'. 3. H {'adam}. 4 . H {'adamah}.


Vetule Testamento
Gen Ex Lev Num Deu Jos Jus Rut 1Sa 2Sa 1Re 2Re 1Ch 2Ch Ezr Neh Est Job Psa Pro Ecc Can Isa Jer Lam Eze Dan Hos Joe Amo Oba Jna Mic Nah Hab Zep Hag Zec Mal