From Wikisource
Avendo i Tripolini roto el pato
Coi Veneziani d'una pase vera,
Per risarcir l'onor de la bandiera
Con zelo un Savio ga parlà in senato.
Un'eloquente disputa el ga fato,
Ch'ha comosso quei Padri in quela sera
Tanto, che ai Tripolini de far guera
In quel momento el gran Decreto è nato.
Un bravo Comandante i ha scielto in freta;
Questo cola so bela direzion
Ha sogetà sta zente maledeta.[1]
Chi à più merito cerco in ste do azion,
Se 'l Savio che ha proposto la vendeta
O quelo, ch'à eseguio la comission?
- ↑ Se alude a la spedizion contro Tripoli fata da la Serenissima nel 1766, in risposta ai atachi contro le navi venexiane.
