Autro. Sur un ayre noubel (2)
Jump to navigation
Jump to search
Autro.
Sur un ayre noubel
Despéy que dins ma pauro pél
Liris reboundec un cop d'él,
Le miu de trop ploura negat,
La siéc toutjoun à pam de gat.
Sur soun bisatge d'Angelet,
La Beutat féc un castelet:
Amour s'y mudéc autaléu
Dan soun arquet é soun flambéu.
Soun él en clartat aboundous,
Tüo le lum des tres bourdous,
É daban soun pel estendut
Le Soulel me semblo toundut.
Sa bouts, pleno d'encantomen,
Me pipo de countentomen,
Et soun se, per éstre trop bél,
Me fa beni l'esprit garrél.
Yeu flambi prép de sa Beutat,
É trambli jouts sa cruautat.
Atal le foc, atal le tor
Biben à migé dins moun cor.