Al mio casin son stà con una dona

Al mio casin son stà con una dona,
E m’ho per quantum possum divertìo,
In primis et ante omnia el fatto mio
Ho fatto, id est, mi ghe l’ho messo in mona.

Dopo che ho ben chiavà sta buzarona,
Me son provà per romperghe el da drìo,
Ma, come el giera troppo ben cusìo,
Me son messo a chiavarla alla schiavona.

Per un pochetto no go fatto chiasso,
Ma dopo aver dà fondo a più d’un gotto,
Son tronà colla donna a tiorme spasso;

Che son andà de sora, ora de sotto,
Po l’ho voltada colla testa abbasso,
Nè la go fenia ben, che ’l cul go rotto.