Al la gardangxeloj kaj al protektantaj spiritoj

From Wikisource

Pregxo.

Amataj Spiritoj, Gardangxeloj, al kiuj Dio per Sia senlima favorkoreco permesas prigardi la homojn, estu niaj protektantoj en la provoj de la surtera vivado. Donu al ni forton, kuragxon kaj rezignacion; inspiru al ni cxion bonan, detenu nin sur la deklivo de la malbono; via dolcxa influo penetru nian animon; igu nin senti, ke sindonema amiko estas apud ni, ke li vidas niajn suferojn kaj partoprenas en niaj gxojoj. Kaj vi, mia bona Gardangxelo, ne forlasu min; mi bezonas vian tutan protekton, por elteni kun fido kaj amo la provojn, kiujn al Dio placxos sendi al mi.