Al Padre Mandelli

Degno padre prior, quando che vu
No m'agiutè, son mezo desparà,
El mio museo da l'ano scorso in qua
De pochissimo gnente el xe cressù.

E le medagie costa qua da nu,
E mi spender no posso, son spiantà;
Go bensì el cuor e go la volontà,
Ma me manca de quel che importa più.

Però con discrezion, come convien,
Ve ne domando quatro civilmente
De quele che da vu dopie se tien.

Mi adesso ò trato el sasso destramente;
Se 'l colpo me va fato, ben con ben,
E se no, riputemo no sia gnente;

Ma so infalibilmente

Che o poche o trope men vorè donar,
Che 'l solito è de vu no farve star.