Ai Riformatori contro le nuove regolazioni

Cossa diavolo feu regolazion
Sora le Messe e su le Fraterìe,
Da far scandalezar l'aneme pie,
Quasi che no gavessi religion?

Eh via, tiolè per man con piu rason
Sta libertà, sto lusso, ste angarìe,
Ste trupe, sto arsenal, ste mercanzie,
Che pur tropo le xe in desolazion!

Da ogni banda nu semo circondai
E per tera e per mar da questi e quel
De nu, tuti e po tuti, desgustai;

E romperse volèmo nu i cervei
Su cosse che no val i so pecai?
Voleu che ve la diga? oh semo bei?