Aflohnt
From Wikisource
| Aflohnt. | |
|---|---|
| Schriever: | Klaus Groth |
| Texttyp: | Gedicht |
| Kommentar: |
ut: Quickborn |
| Bearbeitungsstand: | unkorrigiert |
De Sæn de harr er banni leef, se weer so week un fee.
De Ole schull int Hus herum: wat se sik inbilln de!
Se neem er Bündel ünnern Arm, vun Thrann de Ogen blank,
Se sä de Ole sacht adüs, se sä de Sæn: heff Dank!
Se gung bet um de Eck an Tun, un sett sik op den Steen.
De Ole schull int Hus herum, de Sæn de stunn un ween.
