*სოთინ ვარჩქჷ

From Wikisource
Jump to navigation Jump to search
please do not remove empty parameters (see the template documentation).
* * *
by ზაალ ჯალაღონია

სოთინ ვარჩქჷ ჩქიმი შარა,
სო მობრთი დო მიშა მევულ,
ცაშა მილამ ულა, მარა
დოხომაფე შურიშ პეულ.

თე ორინჯე ართო ნწალე,
მინშა ქექე, მინშა მონკა,
მა გევორექ ხვათახვალე,
ბორჯიშ ბარდის მიშნაბორკა.

დო მარჩქილე ართი ბირა,
რინაშ გლახას თქუანს გური,
ხეშქაგურც მაფ ეშნაზირა
მაფშალიაშ ჩილამური.

ვართ მაჸალე ვამაპალუ,
კიბირს მტახჷნს არძა კობუ,
ნერგ ვორექ დო ვამაფალუ,
ბეჯგიქ დობსოფ-დჷმოხომუ.

კინე ღორონც ვოზნახუქუ,
ქჷმოძირას აკა შარა,
ლექინ ორე თიში უღუ,
გედგჷმა რე ვამკონ-ვარა.