ჸევუი პიპა, გეკურცხით!

From Wikisource
Jump to navigation Jump to search
please do not remove empty parameters (see the template documentation).
ჸევუი პიპა, გეკურცხით!
by მურთაზ ჯანჯღავა
გაზეთი "ილორი" 7-14 ივნისი 2016 წელი 2016 წ. ხ.5

   
ჸევუი პიპა , გეკურცხით
გლობალეფი გამირენა.
ჯიმა ჯიმას უჸვანჩუანც,
სონდოსონით დო მი რენა.
ნამდგარენეფი მუს ნჯენა,
მუდგა ღორონთი უნჭყორა;
ზანეფიშ ნინას ჩართნა,
მაზაკვალეფი უნჯღორა.
აიეტიშ მონძუშ შურემს
ანგილოზეფი გარენა.
ხეს ჩონგური უკებუნა,
დიდოუნანას გალენა.
ერენს მარნენჯი შურეფი
ზანიშ ნინას მიშინანა , _
ნინას მუკულეთიავა,
ხვამაცალო მიჩინანა.
არამხუტუშ მოთალეფი,
მერჩან ნარანიშ დარანა;
მოუბადეს გორზამუდას
ალიაკონი პარანა.
კურცხეთი დო ლურენჯოთი
ცხაცხამუტი ორდათია;
არამხუტუშ ვანერეფი
ღორონოქ არძა მორრდათია.
ვამორლასუდან ჯოხობუ,
დუდიშა გიძინუდანი.
შურდოგურქ ვალგოშქირტანი,
მორძგვაშე გიჯინუდანი.
ვანაფერი ზანიშ ნინა
უმიჯნურო ვამწიტუათ,
ნტერიშ გიორკიტაფალო
თე ქიანას ვამწიჸუათ.