შხვადოშხვა ნათანგეფი
| შხვადოშხვა by [[Author:{{{author}}}|]] |
| გინმათანგალი: გიგა ქავთარაძე |
- ართშა მაგურაფალქ ქარღადიშ სუფთა ფურცელი ქაძირუ მუში მოგურაფუეფს, ნამუდგაშ ოშკაშეთ გეხედჷ უჩა ჭურჭული დო კითხჷ თინეფს: "მუს ორწყეთ"?
მაართა მოგურაფუ: "ჭურჭულს". მაჟირა: "უჩა ჭურჭულს". მასმა: "შხუ ჭურჭულს". თიმწკუმა მაგურაფალქ უგამჷ თინეფს: "თქვა არძოქ ხვალე ჭურჭული ძირით დო ნამთინს თოლშა ვამორლაფუნა თეშ მადიდა ჩე ფურცელი!" ათენერო ფსხუნუნთ კათაშენ ხოლო, ხვალე თინეფიშ კილს ვორწყეთ.
- მიჩქჷ, კანკალეშა ირფელ ეკგალე დო ირფელიშ მეტება გოზალჷ. ნამთინ ღორონთიშ დღას, მუთუნ ვა მუკმორჩქინდუ, სქან რინა საჯგიროთ დოთირუასინ. ირ სქან გურიშ ჭიროთი დო ჯაბი იძინანს, ვარა ვერკენს. სი ხექ დო ფირქე, მუშენ ირთანს თენა ირფელ იშენშენ სქან დუდს. სქან დუდს ოკითხუქ, მუშენ ვა რექ თინერ იღბალიერ, მუნერეფით შხვეფი რენან. აგინძორენქ ღორონთიშ მეხჷ ხვამას, მარა დიოდღარო თის სქან ხვამაშა ვა უგამებჷ. ჭიი-ჭიეთ სქან მენდი ისურებუ. სი ასე უკვე ფირქე, ნამდა შილებე თეშნერ რე სქან ჸვაშ ჭარა, ვარა მიდგარენქ დოჭყუ სქან რინან. მარა გიჩქუნო მუს გიწინქინ, ჩქიმ ჯგირ მაჸალე? თენა ვა რე სქან ჸვაშ ჭარა დო ვართ მითინს უჭყუ სქან რინა. ღორონთი შურუქალუო ხე, მარა თოლს გოჸუნუანს სი ირ დღა დო სერს. თინა ურჩქილე სქან არძო ხვამას დო მუდგარენ გიშაკერძაფილს ზადუნს სქანო. გემანგარი, გური გოუჩი რინას, იხანდი ბრელი დო იხვამი ღორონთიშ მეხჷ. ქენიჩი დუდშა, ნამდა სი ხვალე ვა რექ თენერ დღას, ჩქი არძო ართ ნიშის ენუვოხეთ. თაშ ნამდა, უკახალე ვეკნიკინა ჩქიმ მაჸალე! სქან ბორჯი მუთმინჭაფუ მალას!
ზვიად რატიანი
- ***
მუჟამც ჩხურუ მაფუნ, მა იბრდუქ, გინმიბრთუქ უგუთებუო
დო კოროცხუა ვა უღჷ ჩქიმ ხელეფს, ჩქიმ ბირგულეფს, ჩქიმ თოლეფს...
მუჟამც ჩხურუ მაფუნ, ზოთონჯიე.
ვარ-და დამორჩილიშ ლია.
ვარ-და ჸოროფა.
მუჟამც ჩხურუ მაფუნ, მა ბრელო უმოსის იბჩიებუქ, ვინემ სი გარჩქილენ...
მუჟამც ჩხურუ მაფუნ, მა სი მიჸუნქ;
და ათაშ იჸი ირო,
სოიშახ...
ზვიად რატიანი
- ***
შხირას გიშმაბკურცხუქ ქირქეს, სოდეთ სისმარო ალიფქოსინ, დო სონდარო სინანდულე ეირზამუდასინ, ქუა, ნამუსუთ გივაფუჩხოლინ, მუკმარდუ ოჭიშის ირიათონო.
- ჩქი არძა მებგორუნთ თინერ გიშაკერზაფილ ადამიერს, მით ჩქი მოსქვანან, მარა დასაბაღი ადამიერს ქორექ აკნახვამილეფი სქან რინას ადრე-და, თენერ ფირქი გირჩქინდუ, ეგჷბა შურო ვარდასია თეფერ ადამიერ მითინ, მით ჩქიმ მანგი რენ დო კინე თინერ ჯვეშებურო ჩირთუქ ხოლო დო ხოლო.
მუშენ მუთმოხვადჷ თენა თაშ? მუშენ-და სი თვითან ჩირთუქ სოდგა რენ დო გორუნქ სქან რინაშ ალმაჸვენჯის, მით სქანცალო სოდგა რენ, ირო ჩირთუ დო ჩირთუნ. ქიანაშ ბორჯი ოკო ბოლოშა მირდე სქან ათე ჩილათეფამონ დო თენა თეიშახ ვა მოხვადუ, სონდარო სი სქან დუდიშ დინახალე მახორუ დემონეფს დო ეშმაკეფს ვაუხვადუქუნ, სქან უგნუჭკირუ პრობლემეფს ვა ძირუნქინ - თინერ პრობლემეფს, მუნერეფით სი თინერო გინგოშქვანს, მუნერით სი დასურო რექ შურდგუმას სქან შურ დო გურითინ დო თეშ უკულ ჩქი ხოლო ზათ ვორეთ, ჩქინ რინაშ ალმათხოზინე, ჩქინ რინაშ ირიათონ პარტნიორი გეგშებგორთინ. ხვალე ათე შვანს გიჩქ სი, მის გორუნქ დო მის ვარინ... მარა მეურს ბორჯი დო სი იშენით კინ ჩილათირო გიშმაგორუნქ მიდგას რენ, მარა ასე ენა უბრალეთ ჩილათირო გიშაგორილ თი ადამიერი ვარე, მუნერით აიშახ, ირონ, ვარინ უკვე თინა გურგოჩამილო გიშაგორილ ჩილათირი ადამიერი რე სქანო, თინა, მით ჸოროფიან თოლეფით ქენგოჯინე, დუდშე ბოლოშა დუგათოლიერენს დო გურს ფირქენს სქანდე: "ათენა რე თი პრობლემა, თი ჩილათა, მუნერით მა მოკო მიღუდასინ."
სტეფანი ბენეტ-ჰენრი
- ***
მა გუმაშინე თი ბორჯი
მუჟამც დუდს ხვალახეთ ბგინაფულენდინ,
სონდარო შურო მუთუნ მაჩქვენუდ სქანდენ.
ელუვოჯინედი მურიცხეფს
ითამუ თინეფიშ სინთეშ ბარჩხალს
მინოჭარუდუკო მუთუნ
ჩქიმ თოლშო მერჩქინელ.
დო ასე მა მიჩქ, ნამდა
მა დღას ვადომირინ სქან უმშო,
მუშენდა ეთი მურიცხეფი თიმწკუმა
შურო ვაჸოფენა მურიცხეფი,
თინეფ რდეს სქან გური
ნამუთ ჩქიმო ასინთორენდ ცასინ.