შური მაკუთუ...მაჭუ ფიჟვემც

by დანიელ ფიფია

please do not remove empty parameters (see the template documentation).

შური მაკუთუ...მაჭუ ფიჟვემც by დანიელ ფიფია

წყუ: ბორჯი, დანიელ ფიფია, გიშმაშქ. "ივერიონი", 2014 წ. გვ.40-41

შური მაკუთუ...მაჭუ ფიჟვემც...
ჸუჯქ დემეჸუგუ, თოლც სინთე ვარე,
ვაი დო უიში ეფშაფილი გურიში
ირი კუნჭულცუ უკმელა რე.

მარა ვამნარღე ოჸოფუში ჸოფას,
დეჸუნგას ჸუჯქ, ნუ ძირჷნც თოლი,
დო მა დო ჩქიმი უჩა ბორჯეფი,
პოფეთინ თეში ვორდათ ომბოლი.

მუთ მოკო თოლი მა ოჯინალო,
ვარა მუთ მოკო ჸუჯი მარჩქილე,
ვორწყედი, ვორწყექ გურიშ ოსოფალც,
დო თეცალი რე ჸუჯით ორჩქილე.

რძღელი, გვანილი ნგერი პატენენც,
სქვამი კირიბის ვორწყექ სოფუნცი,
დო ვამარჩქილე თინემც ქარძენდას
მითინი მოხვარას ვარა თო-ჸუცი.

დო მიდამირთუ თოლიშჷ სინთექუ
ჸუჯქჷთი მოწყიდ თეცალიშჷ რჩქილას,
დო მუს გიკვენა ეჩ წანერ კოჩიქ
ჩქიმურ უნელო თაში დირჩინას.

                     1.10.1919წ.