ქჷმოხვადჷ, თე სერსჷთჷ გიფთანუ

From Wikisource
Jump to navigation Jump to search
please do not remove empty parameters (see the template documentation).
კქჷმოხვადჷ, თე სერსჷთჷ გიფთანუ
by კოტე ნაჭყებია
https://www.facebook.com/permalink.php?story_fbid=358000687736155&id=100005786799048

   
ქჷმოხვადჷ, თე სერსჷთჷ გიფთანუა,
შურსჺ მიდვოშქვა ჭუმანერი ჩხანაშა,
ჭვიმაცალო ჭიჭეს ქიგიბყანუა
დო ხვამასჷ გეგნოფთირა ჭყალაშა.
თე ქიანასჷ, ვორწყექჷ, ირფელჲ, კვარჩხი რე,
სონჲ მიქახე სო მიშახე, ღორონთი,
ართი ვარა ქოპუნდასჷნი მარჩქილე,
გოლოფასჷ დაკირალი ოროთჷ.
ნარღიში პინტი გურს გოკირჷ მუდა ფა,
ჩილამურით გოყვაყვილი ვორექჷ,
თოლ არმოსხუ გოწერწილი მუნაფა,
ხალირი ჭკუა გინმოშქვანს ბოროთჷ.
იბჯინე დო ვებჯინენი, ართი რე,
უკახალენი აწმოხორხანს წჷმესჷ,
ჩქინჲ მანჯღვერუ აშატახილჲ ჩართი რე,
მუშენი გჷ კათა აკმაციმესჷ.
მუ ტყურათჷ იღერღენწჷ წისქვილი,
ოქუალიშჲ მონძე სოთინჲ ვეპალუ,
მიშჲ სქუასჷ გილუზინდჷ მიშჲ ქვირი,
მუ ნახონას მუ ძიგირქჷ ეფალჷ.
ბირგულსჺ გიშქვა, ჩქიმჲ ღორონთი, ხვამელი,
ამდღარს ვარდა ჭუმენს ქიმიახვარენი.
1. 03. 2015 წელი