სი ოკო ორდე
Jump to navigation
Jump to search
ჭყონიშ ნოჸელას ბჟა გაგარგანჯუ,
ნტერს ოხიოლუ – დოჭუნსო მორო?!
მარა ცაქ თოლეფ ჸოროფათ განჯუ,
ზღვაქ დიხვარჩალუ გოძიცაშორო.
სი, ღორონთიშ ბჟა, ქომუჩ მა ჩხანა,
სი, ღორონთიშ ჯა, ქომუჩ მა ორო.
მა მოდირაკილ მაფ ცალ–ბირგული:
ვადმაქანცინე ნაჭყოლა კილე;
მარა იქილე გურჲ გეგნირული–
ლაზიშ ბირა დო რაგადჲ მარჩქილე.
თუთა, ქორთხულე, თუთა, ქორთხულე,
ჯიმაშა შარა ქიმემვარჩხილე.
სონდარო ზისხირ გინოფუნაფე,
დიხა ჸუნაფე კინე გართალო,
გიშემუნაფე, გედი ჯიმაგე,
შხვა ვაკო კოლხას გინმანათალო;
სი ოკო ორდე,
სი ოკო ორდე,
სი ოკო ორდე,
ჩქიმ სამარგალო!