ორთაში ქართას სქიბჺ ირთანს

From Wikisource
Jump to navigation Jump to search
please do not remove empty parameters (see the template documentation).
ორთაში ქართას სქიბჺ ირთანს
by კოტე ნაჭყებია
https://www.facebook.com/profile.php?id=100005786799048&fref=nf

   
ორთაში ქართას სქიბჺ ირთანს,
ტუტას ორღვანს მელე-მოლე,
გოღანერი ჭუმე თანდჷ,
მუს ქიმინჷ, მუ გაღოლე.
ალმარჩქილე ნანაშჲ ნანა,
ცა იჭუ დო დოფათ ცენსჷ,
სონი ბორჯი მიჯღონანა
საწმოხონო ნოცხეცხემს.
ჩქიმჲ გვირალი კოლხიში თოლი
გჷთიჯინე კონწარულო,
სონი აკანიშჲ გჷშნათოლა
მუთ გინვოშქვით ჩქინჲ მარულე.
უგამაგა მიშეძღენძღჷ
აეტიში ნაჩართასჷ,
ათაქ მიში გური გეძჷ,
თაქ მი ოკო აშარდასჷ.
გეგნორცველე შხურიშჲ ტყები,
კჷ ვაგმუღუ შურიშჲ ჭყონს,
ჭკუა ხოლო გეშათებე,
მიდუნჩურუ ორქოში ჩხომსჷ.
ივალჷნა ექი-ექი
ასქილადირი მურიცხეფი,
გიმე მეურთ ეკი-ეკი,
ბჟაში ვაწენს ართი ჭყეპი.
მოკო მარა, მუ უწუა,
ჸუს ვარჩქილე ჯიმასჷნი,
ართი ფერიში ვარე ჭუა
მუდგანერი ჭვიმასჷნი.
2.03 2015 წანა