ნუმ ხანტ

by იოსებ ნონეშვილი

please do not remove empty parameters (see the template documentation).

ნუმ ხანტ by [[Author:იოსებ ნონეშვილი|იოსებ ნონეშვილი]]

ორიგინალური ნინა ქორთული. ორიგინალური ჯოხოდვალა ნუ ხატავ.გინმათანგალი ბეჯით ჯალაღონია

ნუ ხანტ თი თური შურჩხონაფილეფს,
ვარდეფს ნარტიში ცაშფერ ბაღიშე,
გურიშ ჸუჯ ქათხი უნარტ, ნარტილეფს,
დიდება გაში ხვალე ართიშე.
თეზმას მუს მორწონს პეულფერეფი,
ფუნჯით მიმოზეფს შურ ქიმშატენი,
მუშო, თამარიშ კისერ-ღვალეფი
ძვირფას ტილოშა დინიხანტენი.
უჯგუ, ვალეღე შურო შურინი,
ნუმ, ეკოჯინათ მუნატკვილეფი
ოგვიმარონას ღალ გოქუმინი,
ვართ მოულირი თი ატამეფი.
ხვალე, განგებაშ ძალა უგმურჩქინს
სქვამ ნერ-ნიჩვეფით გაგმოთხუენი,
მეჩანს შელებას ჸალამს უმურჩინს,-
თვით სქანი სახე სი გეხანტენი.