ნანაშ ნერჩი

From Wikisource
Jump to navigation Jump to search
please do not remove empty parameters (see the template documentation).
ნანაშ ნერჩი
by რამაზ კუპრა
რამაზ კუპრა. "ლაზონა დო მარგალონა" 2009წ.ხ.156-157

ინგირს მოლე-მუმაშ ჸუდე
ინგირს მელე-ნანაშ ნერჩი,
ჸოროფას სოთ იბგინანდინ
ირ ზარხულას თექ გილეფში...

ინგირში ტანიწყარს
ჭვირთით ზინთხის ჭოფუნდეს,
ჩხომ ნჭყოლირი, შურდგუმილო
რეყეთ ჸუდეშა მოუღუდეს...

ტვიცალ ქვილით ტყვაცაფით
გეტურინუნდ ჩხე ტაფეს,
თიშ გემუან შურ ინთხანდ
ოთხირეს დო ოდაფეს...

ბრელ იჩის დო ჭიჭე შვეს,
ულირეფი გიშინეს,
თიშ უკული ხიარულო
იძიცეს დო იბირეს...

ინგირს მოლე-მუმაშ ჸუდე
ინგირს მელე-ნანაშ ნერჩი,
ჸოროფას სოთ იბგინანდინ
ირ ზარხულას თექ გილეფში...