მუხური (ასმათ გახარია)

From Wikisource
Jump to navigation Jump to search
please do not remove empty parameters (see the template documentation).
მუხური
by ასმათ გახარია

   
ირფელ მიჸორს მუხურიში,
ნამ გიფშინა დო ნამ ფთქუა,
სოდგა ვებდე თექ მეპუნცუ
მუხურიში გურიჭუა.

მალა-მალას ალმარჩქილე
ჯოღორიში მელალუა,
ქოთომეფიშ კარკალი დო
ჯაშ გორდიში ჸაჸალუა.

გმაშინე ზოთონპიც
ბუხარიში ეკოხუნა,
თხომუში ჯიკეფი დაჩხირს
მუჭო თუნთეფცალო ეკოხუნა.

ბაღანობა აწომირე,
გვალაში ბორკიში მოლუაფა,
დიდაში ნანა ალმარჩქილე
ხე დუდიშ გოლუაფა.

მოხიოლ ჸუდეშ მულა,
ინჭაში წყარიში ვარკალუა,
ხიოლით მასქურცალო,
ართის ქიდიბქაქალუა.

ხოპწყარს ზღვაშა ვაგოფთირა,
გემეფი ვეგლაჩურუნს მარა,
მუხურს პუხუშა მიბუმნუა
შხვადო ვამაღინე ვარა.
                  1999წ.