მურიცხი
იცხიორით, მურიცხეფი
ჩხე თოლეფით ნაკოროცხა.
ქიგიონტეთ მაკურცხაფე…
ჯინჯი დიხა, ვაგოხორცქა.
სქვამი ორექ, კოლხა, კოლხა,
თოლი სქანი ნანგარა რე.
ჯიმა სქანი იბერია
ჩილამურით ნაბონა რე.
დიხა უჩას განწყუ ბუდე,
ჩხოროთ დორთე ჯვეში ჸუდე
მუჭო მუთუნი ვაგარჩქილე,
ოსოგოთე გიძახუდე.
ჟინცა მაგურგინეს მოგუ,
ქუმარენო მენდი მანგო?..
სქუალეფიშ აკოციმას
ბირას გინმანქირუანქო?
ანდაშა რდუ რინა ნწარე,
ზისხირჲ წიმე, მუჭო წყარი;
მელენარი მოჩამბარე,
სქანი შური დინოიბარუ.
ოფურკაფე დაჩხირ ველა…
მიჩქუ ვამგაძირე თოლო…
ვარ კისერი ვათიჭოფე,
ჯიმა გაფუდასინ ხოლო.
სოლე ვარე ჩქინი მორე,
დიბობრკითო სვანჯით მორო?
ცაშ ორტყაფუ ზღვაშა ონჭუ!
ზღვაშ ქიანას მურე მარე.
სქვამი ორექ, კოლხა, კოლხა...
ვარდი... ბარდემ ნაწილა რექ;
სუნჯი ჟიდო მინგაცეცუ,
თოლემს ელე ნაწიმა რე.