ლჷმა რე დო გორგოთი დო ბორია რე

by კოტე ნაჭყებია

please do not remove empty parameters (see the template documentation).

ლჷმა რე დო გორგოთი დო ბორია რე by კოტე ნაჭყებია

https://www.facebook.com/permalink.php?story_fbid=358000687736155&id=100005786799048

   
ლჷმა რე დო გორგოთი დო ბორია რე,
ვორწყექ პეულს პირი უტატალანსჷ,
დიხაშჲ შურსუ ეშმაღაფუნსჺ ოდიარე,
მათჲ აფუნი ქომძირუანს მალასჷ.
მუნაფეფი მუჭო გილეფაფუნა,
თოლს მუჭო უწკურუნა ჩხანასჷ,
თანთალერი კჷდჷრი გელურღვაფუნა
გვალემს, ირო რულიშჲ მენარჩქვანასჷ.
მა, შურდუგმილი, მუსჺ მიშმორსხუ ანთარქჷ,
მა ვორწყექ ვარჲ, თინეფი მორწყე აკანო,
ცირა მარტის გეგლუხორცქჷ ყანთარქჷ,
ქჷდმოფაზუ ემაულარჲ კაკალო.
სო იბდა დო მუჭო იბდა, ვამჩქჷნი,
მიშჲ თურიში ოკარკალეს ვეწყორა,
გოწონერი ჸვანაქ, გჷთოხაჩქილქჷ,
წჷრჲ მაფალუს მუჭონერო ვეწორა.
ლჷმა რე დო გორგოთი დო ბორია რე,
ირფელჲ ყალენს დჷმაბადეშჲ მაჯინუ,
თოლი განჯი, ირი წუმსჷ მორია რე,
განთხის გერდა, ჩქიმჲ ღორონქჷ მაჩინჷ.
1. 03. 2015 წანა