კოტე ხასაიაში გოსაშინეთ

by კოტე ნაჭყებია

please do not remove empty parameters (see the template documentation).

კოტე ხასაიაში გოსაშინეთ by კოტე ნაჭყებია

https://www.facebook.com/permalink.php?story_fbid=358000687736155&id=100005786799048

   
თინერო ვორექჷ, მუჭო ფთქუა, ვორექ თინერო,
ცოცხალო ნკირილი კოჩი ვეჸი, მა ლერსჲ ბჭუნსუნი,
სოდგარენჲ ჭარა მიკიგანსჷ, შურჲმოთირელი,
ირო ჩქიმჲ გურ დო ტვინი შქასჷ გილაჸუცუნი.
მუქჺ დჷმაჸვერჷ, მუქჷ გობჭაჭჷ, მუქუ გომჭალჷ,
მუ რე, მუქ მოხვად, ვამარჩქილე ნამთინჲ ჸუსუნი,
ჩქიმი ლახარა ამდღარ ღურუთჺ, ვორწყექჷ, მონჭა რე,
ელჲ დო ვალჲ შორო ეშე-გიმე გილეტუცუნი.
ხიოლს ვაუღუ ონჭეშჲ ჯინაშჲ სინთელეშჲ ღანკი,
ირო სოდგარენჲ ეთმიოჩირთუ შქაში კონკერსჷ,
ზოთონჲმოთირელჲ ელმათირე ბორია, _ ხანგა,
ართჲ ჩილამურითჷ ირი წუმსუ დჷმამონკენსჷ.
ვამიჩქჷ, მუ ფთქუა, მუჭო ფთქუა,მისჷ უწუა,
ვორექ თინერო, ახავაი, ვორექ თინერო,
ანთასჲ მანგარუშჲ აკოძინელჲ ართი გურჭუა,
ნადიარჷშე ნადიარშა გინოთირელი.
1.03. 2015 წანა