ვამათირე შხვა ნინაშა

by რამაზ კუპრა

please do not remove empty parameters (see the template documentation).

ვამათირე შხვა ნინაშა by რამაზ კუპრა

რამაზ კუპრა. "ლაზონა დო მარგალონა" 2009წ.ხ.118

ართ მიღუნა ოდაბადე,
ართი შურობუმუშ ნინა,
ქობღურდათჷნ, ქიგმაშინან
-ნინას ოკო მიკოჯინა...

ამდღა გოლანძღირი ორე
ნინა ჩქინი ჯვეშშე - ჯვეში,
წიგნი, ჭარილ მარგალურო
მუდგა გორენ, სოთინ ვეში...

მუ ღორონთიქ გუმაჭყორეს,
შურო ვავორწყეთო თესჷ,
ჭიე-ჭიეთ მუშ ნინაშა
მარგალს გური გეუჸოთესჷ?!

ჩქინ სანარღოთ, ლაბანიძე
-თე ქიანას ხვალე ვარე,
გურს ვეგიოხანტ მარგალური
ოქორთუეშ მაჭარალემს...

კოლხურ ნინა ვაჸვილენა,
ქჲანას მაჟარათ დორთინაშა,
მარგალური ვამათირე,
ვამათირე შხვა ნინაშა!...

1994 წანა, ივანობა