ગુરૂ તારો પાર ન પાયો રે
From Wikisource
| દેવાયત પંડિત દા'ડા દાખવે | ગુરૂ તારો પાર ન પાયો રે ભજન by દેવાયત પંડિત |
લોભી આતમને સમજાવો રે |
 |
આ લેખમાં વપરાયેલ જોડણી,વ્યાકરણ અને ભાષા મુળ લેખકનાં સમયનાં છે. |
ગુરૂ તારો પાર ન પાયો રે,
પ્રૂથ્વી માલેક તારો પાર ન પાયો રે,
હા રે હા ગવરીપુત્ર ગણેશ દેવને સમરોજી, સમરો શારદા માત.
હા રે હા જમીન આસમાન મુળ વિના માંડયું જી,
થંભ વિના આભ ઠેરાવ્યો રે.
હા રે હા સુન શિખર ગઢ અલક અખેડાજી,
વરસે નુર સવાયો રે.
હા રે હા ઝળહળ જયોતું દેવા તારી ઝળકેજી,
દરશન વિરલે પાયો રે.
હા રે હા શોભાજીનો ચેલો પંડિત દેવાયત બોલ્યા જી,
સંતનો બેડલો સવાયો રે.
