એક ઝાડ માથે ઝુમખડું
From Wikisource
| એક ઝાડ માથે ઝુમખડું by [[Author:|]] |
એક ઝાડ માથે ઝુમખડું
- ઝુમખડે રાતા ફૂલ રે,
ભમ્મર રે રંગ ડોલરિયો...
એક સરોવર પાળે આંબલિયો
- આંબલિયે ઝૂલતી ડાળ રે,
ભમ્મર રે રંગ ડોલરિયો...
એક આંબા ડાળે કોયલડી
- એનો મીઠો મીઠો સાદ રે,
ભમ્મર રે રંગ ડોલરિયો...
એક નરને માથે પાઘલડી
- પાઘડીયે ફૂમતા લાલ રે,
ભમ્મર રે રંગ ડોલરિયો...
એક ભાલે કંકુ ચાંદલિયો
- એના રાતા રાતા તેજ રે,
ભમ્મર રે રંગ ડોલરિયો...
