كنچلكه خطابه

From Wikisource
Jump to: navigation, search
كنچلكه خطابه
by غازى مصطفى كمال آتاتورك
مصطفى كمال آتاتورك
كنچلكه خطابه

اى تورك كنجلكى!

برنجى وظيفه ك تورك استقلالينى تورك جمهوريتنى الى الابد محافظه و مدافعه ايتمكدر.

موجوديتنك واستقبالنك يكانه تملى بودر. بو تمل سنك اك قيمتلى خزينه كدر. استقبالده دخى سنى بو خزينه دن محروم ايتمك ايسته يه جك داخلى و خارجى بدخواهلرك اوله جقدر بر گون استقلال و جمهوريتى مدافعه مجبوريتنه دوشرسك وظيفه يه آتيلمق ايچون ايچنده بولنه جغك وضعيتك امكان و شراءطنى دوشونمه يه جكسك. بو امكان و شراءط چوق نامساعد بر ماهيتده تظاهر ايده بيلير. استقلال و جمهوريتينه قصد ايده جك دشمنلر بتون دنياده امثالى گورولمه مش بر غالبيتك ممثلى اوله بيليرلر. جبراً و حيله ايله عزيز وطنك بوتن قلعه لرى ضبط ايدلمش بوتن ترسانه لرينه گيرلمش بتون اوردولرى داغيتلمش و مملكتك هر كوشه سى بالفعل اشغال ايدلمش اوله بيلير. بوتن بو شراءطدن دها أليم و دها وخيم اولمق اوزره مملكتك داخلنده اقتداره صا حب اولانلر غفلت و ضلالت و حتى خيانت ايچنده بولنه بيليرلر. حتى بو اقتدار صاحبلرى شخصى منفعتلرينى مستوليلرك سياسى عامللريله توحد ايده بيليرلر. ملت فقر و ضرورت ايچنده خراب و بيتاب دوشمش اوله بيلير.

اى تورك استيقبالينك اولادى! ايشته: بو احوال و شرائط ايچنده دخى وظيفه ك : تورك استقلال و جمهوريتنى قورتارمقدر !

محتاج اولدوغك قدرت طمرلركده كى اصيل قانده موجوددر!

غازى مصطفى كمال آتاتورك

Türkçe: tr:Atatürk'ün Türk Gençliğine Hitabesi