دیوان شاکە و خان مەسۊر/بەرزە چناران

From Wikisource
Jump to navigation Jump to search
دیوان شاکە و خان مەسۊر by شاکە و خان مەسۊر
بەرزە چناران
شاکەː بەرزە چناران بەرزە چناران بەو بچیمە سەێر بەرزە چناران
چنارەێ خەریو نزیک وە شاران جاگەێ ھەر ساڵەێ تەمنگاێ یاران
گەل گەل و جوز جوز چۊ سپاداران پرسام ئەێ چنار غەریب شاران
جاگەێ عەێش و نووش گوزەرگاێ یاران تەمنگاێ گوڵان سەوزەێ وەھاران
پرسام ئەێ چنارǃ شەم شەماڵ لەرز توو لە ھەواێ کی ئێ قە بۊدە بەرز
پرسم ئەێ چنار پەێ کی زەردەنی مەر چۊ من ھجران شەخسێ کەردەنی؟
ئەوسا تۊلێ بۊم کەفتم لە داران سەوز کردم لە بەێن شیش مەغاران
گەل گەل نازاران ھاتن وە پاگەم تەمنگا کردن ھەر سوو لە ساگەم
قیقەێ نازاران مەنیشت ئەو شاخم منیش لەو بووتە بەرز بۊ دەماخم
قیقەێ نازاران لە پاێ من وێەرد منیش لەو بووتە زاێف بۊم و زەرد
لەبەس تەمەنگاێ زنج و خاڵ کەردم یەسە لەو بووتە زەعیف و زەردم
ھەر ساڵێ ساتێ ھەر ڕووژێ وەختێ ئمروو ڕاگەم کەفت ئەو پاێ درەختی
واتم ئەێ درەخت پەێ چێ زەردەنی مەر چۊ من ھجران شەخسێ کەردەنی
وەتː لێوەێ بێ عەقڵ حاڵ مەزان دەرد درەخت بێ دەرد چتەور مەیو زەرد
ئێ قەر تەمەنگاێ زنج و خاڵ کەردەم ھە لەو بووتەوە زەعیف و زەردەم
گەل گەل نازاران ھاتن وە پاگەم فەرش ناز خسن نیشتن لە ساگەم
چۊ دار ئاسوو ڕیشە خوریاگم وێنەێ حەزرەچی جواو دریاگم
ئێرنگە چۊ سەرسەوز شاھین پووس کەنە پەڕ و پووم لە دەور گڵاڵەیل مەنە