Безбородов М. И. Сочиненият 1-це томсь (1939)/Тячинь майста

From Wikisource
Jump to navigation Jump to search
Сочиненият 1-це томсь  (1939)  by Безбородов, Михаил Ильич
Тячинь майста
Михаил Безбородов. Сочиненият, Васенце томсь. Мордовскяй государственнай издательствась. Саранск, 1939.

[ 60 ]

ТЯЧИНЬ МАЙСТА


Шудихть трудяйнь
Моротне-валхне,
Сетьмоста кожфкясь
Вельхкска уфай.
Ульцява либордихть
Якстерь флакне,
Тячи праздник,
Праздниксь — Май.
Тячи ваймама
Шисна трудяйхнень,
Рабочайхне, сокайхне
Лисихть ульцяв,
Марса венептсазь
Пуворьф кядьснон
Лия странань трудяйненди,
Конат тячи муцяфт.
Тячи ваймяйхть
Фабрикань кштирьхне,
Ваймяйхть заводонь
Лакай горнатне.
Молихть ульцява
Трудящаень вийхне,
Кода моряса
Вармати волнатне.
Молихть ошка,
Молихть велева,
Молихть рядонь,
Молихть инголи,
Молихть сатфксонь тиезь.
Тячи козятне

[ 61 ]

Масторть келева
Порихть пейснон.
Пиндолдыхть сельмосна.
Няйсазь, кизода
Кизос юмси
Алдост ингольтень
Модасна;
Курок-курок
Калмос сувсихть,
Вельхтясаськ модаса
Кяжи коняснон.